Angliya Liga Kubogi yarim final javob bahsidan o‘rin olgan "Chelsi" – "Tottenxem" uchrashuvi o‘z nihoyasiga yetdi. Mazkur bahsda mezbonlar g‘alabani qo‘lga kiritishdi.
Uchrashuvning 27-daqiqasida Ngolo Kante uzoq masofadan aniq zarba yo‘llab hisobni ochgan bo‘lsa, 38-daqiqada Eden Azar jamoasining ikkinchi golini urdi.
Ikkinchi bo‘lim debyutida mehmonlar Fernando Lyorentening golidan so‘ng hisobni qisqartirishdi. Qolgan vaqt davomida ikki jamoada ham bir qator qulay imkoniyatlar sodir bo‘ldi, biroq darvozalar dahlsizligi saqlanib qolindi.
Shu tariqa, ikki o‘yin natijasiga ko‘ra 2:2 hisobi qayd etildi va penaltilar seriyasiga murojaat qilindi. Unda omad ko‘klarga kulib boqdi.
"Chelsi" finalda "Manchester Siti" bilan o‘ynaydi. Ushbu uchrashuv 24 fevral kuni bo‘lib o‘tadi.
Angliya Liga Kubogi
Yarim final, javob bahsi
Chelsi – Tottenxem 2:1 (2:0, 0:1) pen. 4:2
Gollar: 1:0 – 27 Kante, 2:0 – 38 Azar, 2:1 – 50 Lyorente.
Chelsi – Arrisabalaga, Aspilikueta, Ryudiger, Emerson, David Luiz, Kante, Barkli (Kovachich, 81), Pedro (Villian, 76), Jorjinyo, Azar, Jiru.
Tottenxem – Gassaniga, OrYE, Vertongen, Devis (Rouz, 33), Alderveyreld, Sissoko (Sanches, 80), Eriksen, Dayer, Uinks, Lamela, Lyorente (Lukas Moura, 68).
Ogohlantirishlar: Jorjinyo (53), Kante (56), Aspilikueta (66), Sissoko (73).
