Англия Лига Кубоги ярим финал жавоб баҳсидан ўрин олган "Челси" – "Тоттенхэм" учрашуви ўз ниҳоясига етди. Мазкур баҳсда мезбонлар ғалабани қўлга киритишди.

Учрашувнинг 27-дақиқасида Нголо Канте узоқ масофадан аниқ зарба йўллаб ҳисобни очган бўлса, 38-дақиқада Эден Азар жамоасининг иккинчи голини урди.

Иккинчи бўлим дебютида меҳмонлар Фернандо Льорентенинг голидан сўнг ҳисобни қисқартиришди. Қолган вақт давомида икки жамоада ҳам бир қатор қулай имкониятлар содир бўлди, бироқ дарвозалар даҳлсизлиги сақланиб қолинди.

Шу тариқа, икки ўйин натижасига кўра 2:2 ҳисоби қайд этилди ва пенальтилар сериясига мурожаат қилинди. Унда омад кўкларга кулиб боқди.

"Челси" финалда "Манчестер Сити" билан ўйнайди. Ушбу учрашув 24 февраль куни бўлиб ўтади.

Англия Лига Кубоги
Ярим финал, жавоб баҳси

Челси – Тоттенхэм 2:1 (2:0, 0:1) пен. 4:2

Голлар: 1:0 – 27 Канте, 2:0 – 38 Азар, 2:1 – 50 Льоренте.

Челси – Аррисабалага, Аспиликуэта, Рюдигер, Эмерсон, Давид Луиз, Канте, Баркли (Ковачич, 81), Педро (Виллиан, 76), Жоржиньо, Азар, Жиру.

Тоттенхэм – Гассанига, Орье, Вертонген, Дэвис (Роуз, 33), Алдервейрелд, Сиссоко (Санчес, 80), Эриксен, Дайер, Уинкс, Ламела, Льоренте (Лукас Моура, 68).

Огоҳлантиришлар: Жоржиньо (53), Канте (56), Аспиликуэта (66), Сиссоко (73).