Futbol olamida qaysidir nomdor hujumchi bir - ikki uchrashuvda gol ura olmasa, uni darrov kuzatishadi. Hujumchining golsiz seriyasi uzoqqa cho‘zilgani sari uning o‘yinlarida keskin pasayish kuzatiladi.

Tomes Myuller

2016-17 – yilgi mavsumda Anchelotti qo‘l ostidagi «Bavariya» hujumkor futbol namoish etgan edi. O‘sha yili «Holliywood»ning asosiy o‘yinchilaridan biri Tomas Myullerning golsiz seriyasi naqd 999 daqiqaga cho‘zilgan ekan.

Ueyn Runi

«Shrek» ham 2015-yilda huddi Myuller singari 999 daqiqa mobaynida golsiz seriyani o‘tkazgan. Afsuski, uning antirekordlari shu bilan chegaralanmaydi. Runiy 3 ta jahon chempionatida ishtirok etib, 760 daqiqa davomida gol ura olmagan. Ishonish qiyin, lekin Runiy 2006 va 2010 – yillarda o‘tkazilgan mundiallarda umuman raqib darvozasini ishg‘ol qilmagan ekan. Ishonavering, bu fakt.

Fernando Torres

Bu seriyalar haqida so‘z borar ekan, Fernando Toresga to‘xtalmasdan ilojimiz yo‘q. «Liverpul»dagi fantastik mavsumlardan so‘ng Elninio «Chelsi» safiga o‘tib ketadi. «Aristokratlar» safida Torresning ishlari umuman yurishmaydi. Bechora Fernandoning omadsiz seriyasi 2011 – 2012 – mavsumlar oralig‘ida1537 daqiqagacha cho‘ziladi. Dahshat, naqd 17 ta o‘yinda Torres darvozaga yo‘l topa olmadi. Uni «Chelsi» muxlislari haligacha klub tarixidagi eng omadsiz transfer deya atashadi

Piter Krauch 

2005 – yi. Baland bo‘yli hujumchini Rafael Benites o‘sha davrlar uchun kattagina bo‘lgan summaga ( 10 million YEVRO) harid qiladi. Krauch yangi jamoasida ilk mavsumdayoq nursiz o‘yinlar ko‘rsata boshlaydi. Mavsum o‘rtalariga yaqinlashayotganda uning hujumchilar uchun eng yoqimsiz bo‘lgan seriyasi boshlanadi va u 1247 daqiqaga cho‘ziladi. Krauch aynan shu seriya sababli keyinchalik «Liverpul»da o‘ynab ketishinkoniyatlarini kamaytirib yuboradi.