La Liganing sobiq hakamlari Anduxar Oliver va Eduardo Iturralde Gonsales “Atletiko” – “Real” uchrashuvida ro‘y bergan vaziyatga baho berishdi.
Ikkinchi bo‘limda “Real” yarimhimoyachisi Kazemiro Alvaro Morataga nisbatan qo‘pol o‘ynadi biroq hakam Xaviyer Estrada Fernandes penalti belgilamadi.
“Videoda Kazemiro Moratani yiqitgani ko‘rinib turibdi, u oyog‘ini qo‘ydi va Morata muvozanatni yo‘qotdi. Hakam penalti belgilashi kerak edi” – deydi Anduxar.
“Men buni penalti deb hisoblayman lekin, VAR bu vaziyatda ishga tushirilmadi. Kazemiro qo‘pol o‘ynagani ko‘rinib turibdi ammo o‘yin vaqtida hakam ikkilanib qolgani uchun penalti belgilamadi”, - deydi Iturralde Gonsales.
