Osiyo chempionlar ligasining 2-saralash bosqichi doirasida AGMK Olmaliqda Tojikistonning "Istiqlol" klubini qabul qilib, irodali g‘alabani (4:2) qo‘lga kiritdi. Uchrashuvdan keyin Mirjalol Qosimov o‘z fikrlari bilan o‘rtoqlashdi.

"Ochig‘ini aytsam, juda qiyin o‘yinni o‘tkazdik. Ruschasiga aytganda: "O‘zimizga o‘zimiz muammo yaratib, so‘ngra qahramonlarcha vaziyatdan chiqib ketdik". Bunga shunga o‘xshash vaziyat kuzatildi. O‘z shogirdlarimga minnatdorchilik bildiraman. Ular murabbiylar shtabi tomonidan berilgan ko‘rsatmalarni yaxshi bajarishdi.

Raqib haqida esa faqat yaxshi fikrlarini aytishim mumkin. Jamoa OFK kubogida doimiy ravishda ishtirok etadi. Futbolchilar yetarli xalqaro tajribaga ega.

Biz Dubaydagi mavsumoldi o‘quv-mashg‘ulot yig‘inida ham to‘liq tarkib bilan yig‘ilmadik. Shunga qaramay, futbolchilar jamoaviy o‘yin namoyish qilishdi va biz kerakli natijaga erishdik.

Muhim o‘yinchi almashtirishni amalga oshirdim? Mehmonlar 2:1 hisobida oldinga chiqib olganidan keyin o‘yinning borishini o‘zgartirishni istadim va maydonga ikki hujumchini tushirdim. "Ikkinchi qavat"dagi o‘yinga ko‘proq ahamiyat qaratishni so‘radim. G‘alabani o‘z tomonimizga og‘dirganimizdan xursandman.

Keyingi o‘yingacha ko‘p vaqt qolmadi. Ertaga o‘yinni qayta ko‘rib chiqib, xatolarni tahlil qilamiz. Hali hech bir futbolchi 100 foizga tayyor. Jamoa o‘yindan o‘yinga kuchayib boradi.

O‘tkazib yuborilgan gollarda kim aybdor? Faqat himoyachilar va darvozabonni ayblamagan bo‘lardim. Butun jamoa konsentrasiyani yo‘qotdi va bu bizga qimmatga tushishi mumkin edi. Bunday o‘yinlarda tezkor o‘tkazib yuborish kerak emas. Bugun esa o‘yinning borishini o‘zgartirish uchun o‘zimizda kuch topdik.

Legionerlar? Kostich keyinga o‘yingacha tiklanishga ulguradi. Lekin hali aniq emas. Marko Zochevich keyingi o‘yinda maydonga tushmasliga aniq.

Jasur Xasanov — juda tajribali futbolchi. U xalqaro o‘yinlarda ko‘p maydonga tushgan. Bugun u o‘z ortidan jamoani yetakladi. Golning qanday urilishi esa — oyoq bilan yoki bosh bilan — ahamiyatga ega emas. Muhimi — gol urdik.

Muxlislar ham stadionga chiroyli gollarni ko‘rish uchun kelishadi. Kelasi o‘yinda ham taktika orqali kerakli natijaga erishishga harakat qilamiz. Vaqtimiz kam, ammo boshqa ilojimiz yo‘q. Futbolchilar taktik ko‘rsatmalarni bajarishga qodir ekanliklarini isbotlashdi.

Muxlislarni g‘alaba bilan tabriklayman", — dedi Mirjalol Qosimov.