Ertaga Germaniyaning Dyusseldorf shahrida dzyudo bo‘yicha “Katta Dubulg‘a” turkumiga kiruvchi nufuzli turnir start oladi.

Joriy yil hisobidan ikkinchi “Katta Dubulg‘a” turnirida dunyoning 98 davlatidan jami 721 nafar dzyudochi medallar yo‘lida tatamiga chiqadi. Ular orasida 10 nafar o‘zbekistonlik polvonlar ham bor.

Kecha Germaniyaga yetib borgan dzyudochilarimiz kross yugurishdi. Bugun Farhod To‘rayev bosh murabbiyligidagi terma jamoamiz a’zolari to‘laqonli mashg‘ulot o‘tkazishadi.

Shuningdek, bugun Toshkent vaqti bilan soat 18:00da (Germaniyada 14:00) Dyusseldorf turniriga qur’a tashlash marosimi bo‘lib o‘tadi.

Terma jamoamiz tarkibi:

Erkaklar:

-60 kg: Diyorbek O‘rozboyev
-66 kg: Artyom Shturbabin
-73 kg: G‘iyosjon Boboyev
-81 kg: Kamoliddin Rasulov
-90 kg: Davlat Bobonov
-100 kg: Muhammadkarim Xurramov
-100 kg: Sherali Jo‘rayev
+100 kg: Bekmurod Oltiboyev

Ayollar:

-52 kg: Diyora Keldiyorova
-78 kg: Nodira Yuldasheva

Murabbiylar: Farhod To‘rayev, O‘ktam Rahmonov.