Polshada 27 fevraldan 3 martgacha velosport bo‘yicha jahon chempionati bo‘lib o‘tishi belgilangan edi. Ayni paytga kelib, Murot Xolmurodov musobaqadagi o‘z chiqishini yakunladi.
Hamyurtimiz “point race” yo‘nalishida ishtirok etib, 13-natijani qayd etdi. 160 aylanadan iborat 40 kilometrli masofani bosib o‘tish chog‘ida vakilimiz o‘rtacha 55.4 km/soat tezlik namoyish qildi.
“Jahon chempionatiga ilinishning o‘zi katta mehnat talab qiladi. Bu yo‘nalishdagi dunyo birinchiligi yo‘llanmasini eng yirik musobaqalarda ishtirok etib, 24 sportchi qo‘lga kiritishi mumkin”, – deya izoh beradi O‘zbekiston velosport federasiyasi sport direktori Rustam Nurtdinov.
