“Nasaf” futbol maktabi tarbiyalanuvchisi  hisoblangan Abduvohid bu yil ilk bor Superligada debyut qiladi.

- Yangi mavsumda debyut qilishingiz kutilmoqda. Undan nima kutmoqdasiz?

- Nasib qilsa yangi mavsumda menga yuklatilgan vazifani bajarib, murabbiylar ishonchini oqlashga harakat qilaman. Ular bergan ko‘rsatmalarini to‘g‘ri bajarsam, muxlislar ham mendan xursand bo‘lishadi degan umiddaman.

- Jamoamizga kelib qo‘shilishingiz to‘g‘risida ham ikki og‘iz so‘zlab bersangiz...

- “Nasaf” futbol maktabiga 2014 yilda kelganman. Ozod Berdiyev va Azamat Aliqulov qo‘li  ostida 2001 yilda tug‘ilgan tarbiyalanuvchilar bilan birga futbol sir asrorlarni o‘rgandik.

- Mana siz tajribali murabbiylar qo‘l ostida shug‘ullanmoqdasiz. O‘zingizni kuchli va kuchsiz taraflaringiz aytib bera olasizmi?

- Bu narsa haqida bir narsa deyishim qiyin. Kamchiliklarimiz ustida murabbiylar bilan birgalikda ish olib bormoqdamiz.

- Futboldagi kumiringiz kim?

 -Jahon futbolidan Mar-Andre ter Shtegyen (“Barselona”), O‘zbek futbolida esa Ignatiy Nesterov va Sanjar Quvvatov,  - deydi Abduvohid Ne’matov.