“Насаф” футбол мактаби тарбияланувчиси  ҳисобланган Абдувоҳид бу йил илк бор Суперлигада дебют қилади.

- Янги мавсумда дебют қилишингиз кутилмоқда. Ундан нима кутмоқдасиз?

- Насиб қилса янги мавсумда менга юклатилган вазифани бажариб, мураббийлар ишончини оқлашга ҳаракат қиламан. Улар берган кўрсатмаларини тўғри бажарсам, мухлислар ҳам мендан хурсанд бўлишади деган умиддаман.

- Жамоамизга келиб қўшилишингиз тўғрисида ҳам икки оғиз сўзлаб берсангиз...

- “Насаф” футбол мактабига 2014 йилда келганман. Озод Бердиев ва Азамат Алиқулов қўли  остида 2001 йилда туғилган тарбияланувчилар билан бирга футбол сир асрорларни ўргандик.

- Мана сиз тажрибали мураббийлар қўл остида шуғулланмоқдасиз. Ўзингизни кучли ва кучсиз тарафларингиз айтиб бера оласизми?

- Бу нарса ҳақида бир нарса дейишим қийин. Камчиликларимиз устида мураббийлар билан биргаликда иш олиб бормоқдамиз.

- Футболдаги кумирингиз ким?

 -Жаҳон футболидан Мар-Андре тер Штеген (“Барселона”), Ўзбек футболида эса Игнатий Нестеров ва Санжар Қувватов,  - дейди Абдувоҳид Неъматов.