Bugun 6 mart kuni Axborot va ommaviy kommunikasiyalar agentligi press-xollida “O‘zbek futbolini rivojlantirishning bugungi holati: yutuq va muammolar” mavzusida matbuot anjumani tashkil etildi.
Ushbu matbuot anjumanida Ma’mur Saidqosimov fikrlarini bildirib o‘tdi.
“O‘zbekiston futbol assosiasiyasi tomonidan mamlakatimizda malakali hakamlarni tayyorlash va ularning saviyasini oshirib borish maqsadida bir qator ishlar amalga oshirilmoqda.
Jumladan, O‘zbekiston Davlat Jismoniy tarbiya va spor universiteti bilan hamkorlik yo‘lga qo‘yilgan bo‘lib, mazkur hamkorlikdan asosiy maqsad Universitet talabalari orasida futbol hakamligi bilan shug‘ullanish istagida bo‘lgan yoshlarni har tomonlama qo‘llab-quvvatlash, xalqaro musobaqalarda faoliyat olib boradigan iqtidorli hakamlarni tayyorlashdan iborat. Biz yangi mavsumda yosh hakamlarga ko‘proq e’tibor qaratib, ularning mahoratini oshirib borishga harakat qilamiz”, - deydi Ma’mur Saidqosimov.
