Xabaringiz bor, ertaga OCHL 2-turidan o‘rin olgan "Al Rayan" - "Lokomotiv" bahsi bo‘lib o‘tadi.
"B" guruhida kurash olib borayotgan "Lokomotiv" bu yilgi OCHLni g‘alaba bilan boshladi. Jamoa o‘z maydonida "Al Vahda"ni 2:0 hisobida mag‘lub etdi.
O‘yindan oldin tashkil etilgan matbuot “temiryo‘lchilar” himoyachisi Anzur Ismoilov ishtirok etdi
“Ertaga qiziqarli bahs kutib turibdi deb ayta olaman. Osiyo chempionlar ligasida oson o‘yinning o‘zi yo‘q, har bir bahs o‘ziga yarasha bosim ostida o‘tadi.
Muxlislar bizdan faqat ijobiy natija kutishmoqda, shunday ekan ularning ishonchini oqlashga harakat qilamiz. Biz o‘z o‘yinimizni ko‘rsatishga harakat qilamiz. O‘z o‘yinimiz deganda maydon bo‘ylab shunchaki yugurmaymiz, balki to‘p bilan ko‘proq muomalada bo‘lishga va o‘yinni o‘z nazoratimizga olishga harakat qilamiz”, - deydi Ismoilov.
