Mashg‘ulot yakunlanganidan so‘ng, “Navbahor” klubi sardori Jahongir Mehmonovdan qisqacha intervyu oldik. U o‘z fikrlarini quyidagicha bayon etdi:
- Mana bugundan “Lokomotiv”ga qarshi kechadigan o‘yinga tayyorgarlik boshladik. Mashg‘ulotlarda astoydil ter to‘kyapmiz.
“Qo‘qon - 1912” jamoasiga qarshi kechgan ilk tur bahsida durang o‘ynab, g‘alaba qozona olmadik. Shuning uchun Toshkentda “Lokomotiv”dan ochko olishga intilamiz. Jamoamiz joriy mavsumda chempionlik unvonini qo‘lga kiritish uchun kurash olib boradi. O‘z oldiga yuksak maqsadlarni qo‘ygan klub esa har qanday uchrashuvda ochko olishi lozim.
Bundan tashqari, “Lokomotiv”ga qarshi kechadigan bahsda 10 mart kuni avtohalokat natijasida vafot etgan muxlislarimiz xotirasi hurmati uchun ham astoydil to‘p suramiz, Xudo xohlasa!
