Машғулот якунланганидан сўнг, “Навбаҳор” клуби сардори Жаҳонгир Меҳмоновдан қисқача интервью олдик. У ўз фикрларини қуйидагича баён этди:
- Мана бугундан “Локомотив”га қарши кечадиган ўйинга тайёргарлик бошладик. Машғулотларда астойдил тер тўкяпмиз.
“Қўқон - 1912” жамоасига қарши кечган илк тур баҳсида дуранг ўйнаб, ғалаба қозона олмадик. Шунинг учун Тошкентда “Локомотив”дан очко олишга интиламиз. Жамоамиз жорий мавсумда чемпионлик унвонини қўлга киритиш учун кураш олиб боради. Ўз олдига юксак мақсадларни қўйган клуб эса ҳар қандай учрашувда очко олиши лозим.
Бундан ташқари, “Локомотив”га қарши кечадиган баҳсда 10 март куни автоҳалокат натижасида вафот этган мухлисларимиз хотираси ҳурмати учун ҳам астойдил тўп сурамиз, Худо хоҳласа!