Las-Vegasda og‘ir atletika bo‘yicha o‘smirlar o‘rtasida jahon chempionati yakunlandi.
Tantanali yopilish marosimida musobaqaning eng yaxshi qiz va yigit ishtirokchilari taqdirlandi. Qizlar o‘rtasida -64 kg vazn toifasida ikkita jahon rekordini o‘rnatgan va uchta oltin medalni qo‘lga kiritgan o‘zbekistonlik Kumushxon Fayzullayeva turnirning eng yaxshi atleti deb topildi.
Hamyurtimizga maxsus sovrinni Xalqaro og‘ir atletika federasiyasi prezidenti Tamash Ayan topshirdi.
AQSHdagi jahon chempionatida O‘zbekistondan yetti sportchi qatnashdi va ularning olti nafari shohsupaga ko‘tarildi.