Kirish Ro'yxatdan o'tish
25/06 00:00 Albaniya 0-1 Ispaniya
25/06 00:00 Xorvatiya 1-1 Italiya
25/06 03:00 Kolumbiya 2-1 Paragvay
25/06 06:00 Braziliya 0-0 Kosta-Rika
25/06 20:00 Olimpik 2-0 Surxon
25/06 21:00 Fransiya 1-1 Polsha
25/06 21:00 Niderlandiya 2-3 Avstriya
26/06 00:00 Angliya 0-0 Sloveniya
26/06 00:00 Daniya 0-0 Serbiya
26/06 03:00 Peru 0-1 Kanada
26/06 06:00 Chili 0-1 Argentina
26/06 20:00 Andijon - Navbahor
26/06 20:00 Metallurg - Nasaf
26/06 21:00 Slovakiya - Ruminiya
26/06 21:00 Ukraina - Belgiya
27/06 00:00 Chexiya - Turkiya
27/06 00:00 Gruziya - Portugaliya
27/06 03:00 Ekvador - Yamayka
27/06 06:00 Venesuela - Meksika
27/06 20:00 Neftchi - Lokomotiv
27/06 20:00 Paxtakor - Bunyodkor

Abbos G‘ulomov: «Eng katta orzuyim «Navbahor» bilan chempion bo‘lish»

Abbos G‘ulomov: «Eng katta orzuyim «Navbahor» bilan chempion bo‘lish»

Baho:
+ | -

“Navbahor” tarkibida Superliganing 1-turida maydonga tushgan Abbos G‘ulomov yangi mavsum haqida fikrlarini bildirib o‘tdi. 

- O‘zingiz haqingizda biroz to‘xtalib o‘tsangiz. 

- Men 1998 yil 5 iyul kuni Pop tumanining Uyg‘ur qishlog‘ida tug‘ilganman. Yoshlikdan futbolga qiziqib, bir kun albatta futbolchi bo‘lishni orzu qilardim. Orzularim ushalib “Navbahor” asosiy tarkibida to‘p surishga muyassar bo‘lyapman. Eng katta orzularimdan biri albatta “Navbahor” bilan chempion bo‘lish. 

- Popdan so‘nggi yillarda futbolchilar chiqmayotgandi. Biz hozirgacha Isroil Ergashev, Aziz Turg‘unboyev va Botirali Ergashevni bilardik, xolos.

- Popda ham iqtidorli yoshlar ko‘p. Faqat seleksionerlar izlanishda davom etishi kerak. Aziz Turg‘unboyevni o‘z akamdek ko‘raman. Mavsumni birga boshlashni kutgandim. Ammo voqealar biz kutgandek bo‘lmadi. Nachora, Turg‘unboyev endi 9 iyuldan boshlab jamoamizga qo‘shiladi. 

- O‘tgan yili "Sho‘rtan” safida o‘ynadingiz...

- Shu o‘rinda men “Sho‘rtan” jamoasiga o‘z minnatdorchiligimni bildirib o‘taman. G‘uzor jamoasi menga tramplin vazifasini o‘tab berdi, deyishim mumkin. Shuningdek, menga ishonch bildirgan, o‘tgan mavsum “Sho‘rtan”ni boshqargan Yorqin Nazarovga ham rahmat aytaman.

- Yangi mavsumda oldingizga qanday maqsad qo‘ygansiz? 

- Yangi mavsumdan umidim katta. Xudo xohlasa, chiroyli o‘yinlar ko‘rsatib, jamoamning g‘alabalariga o‘z hissamni qo‘shmoqchiman. 

- Dastlabki turda g‘alaba qozonish uchun jamoaga nima yetishmadi? 

- To‘g‘risi, omadimiz kelmadi. Agarda ikkinchi golni kirita olganimizda hozir uch ochko egasi bo‘lardik. Futbolda omad kelmasa ham qiyin. 

- “Qo‘qon-1912”ga qarshi o‘tgan uchrashuvda ko‘rsatgan o‘yiningizdan qanchalik qoniqdingiz?

- Ko‘rsatgan o‘yinimdan qoniqish hosil qilmadim. Futbolchi hech qachon ko‘rsatgan o‘yinidan qoniqmaydi. Dastlabki uchrashuvim bo‘lganligi bois biroz hayajonlandim. O‘ylaymanki, keyingi bahslargacha o‘z ustimda yanada ko‘proq ishlab, chiroyli o‘yinlar ko‘rsatishga harakat qilaman.

- “Navbahor” 30 mart kuni poytaxtda “Lokomotiv” mehmoni bo‘ladi. Bu o‘yinda “lochinlar” ijobiy natija qayd eta oladimi?

- Faqat g‘alaba uchun maydonga tushamiz. G‘alaba orqaligina muxlislarimiz yuzini yorug‘ qilishimiz mumkin. Olamdan o‘tgan ikki nafar ishqibozimizni Xudo rahmatiga olgan bo‘lsin. Ular uchun ham yutishimiz kerak!

- Muxlislarga tilaklaringiz...

- Muxlislarimiz doim sog‘-salomat bo‘lishsin. Safar o‘yinlarida ham bizni yolg‘iz qoldirmayotganliklari uchun tashakkur bildiraman. Ular O‘zbekistonda yagona. Faqat ular uchun o‘ynaymiz.

Manba: Stadion
Kiritildi: 10:39, 18.03.2019.
O'qildi: 3210 marta.
Fikrlar: 1 ta.

Eng ko'p o'qilgan yangiliklar


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.