2018 yilning sentyabrida Argentina termasi bosh murabbiyi Lionel Skaloni Messini bezovta qilishga erta ekanini aytgan edi.
"Biz gaplashib oldik va bu haqida gapirishga hali ancha erta degan qarorga keldik. Albatta, u bizga yetishmaydi, ammo bunga ko‘nikish kerak. Unga kelishni yoki kelmaslikni buyura olmayman, bu to‘g‘ri bo‘lar edi. 2019 yilda uning qaytishi uchun hamma narsa qilamiz", - degan edi Skaloni.
Skaloni hatto fevral oyida ham Messining qachon qaytishini bilmas edi: "Bu mavzudan charchadim. Haam narsani boricha qabul qilish kerak. U terma jamoad bo‘lishi ham, bo‘lmasligi ham mumkin. Hammasi o‘ziga bog‘liq".
Messi hozir, Braziliyada o‘tadigan Kopa Amerika musobaqasiga uch oy qolganida qaytishga rozi bo‘ldi. Terma jamoaning yangi libosi taqdimotida ishtirok etdi.
"Messini nima qilishni bilmaymiz". Bu ibora "Ayaks" klubi v Argentina termasi himoyachisi Nikolas Talyafikoga tegishli. U mavsum kashfiyoti, barcha top-klublari diqqatida, shunchaki, aqlli yigit. U buni yaqinda, mart oyida Marca gazetasiga bergan intervyusida aytdi.
"Jamoada Messi borligida bizga qanday o‘yin usuli mos tushishini bilmaymiz. Bizda dunyoning eng zo‘r o‘yinchisi bor, ammo bundan qanday foydalanishni bilmayapmiz. Bizda ikkita yorqin sahifa bor. Biri Luis Menotti, yana biri Karlos Bilardo bilan bog‘liq. Ular iuuita turli futbol g‘oyalarini tatbiq etishadi. Bizga amoani tartibga solib, g‘oya beradigan murabbiy kerak", - deydi Talyafiko.
Terma jamoaga qaytganing bilan, Leo! Argentina termasi Amerika kubogini yutmasa, ikm aybdor bo‘lishini bilamiz.
