Moldaviya terma jamoasi ustozi Aleksandr Spiridon Fransiyadan uchralgan mag‘lubiyat (1:4) haqida gapirdi.
«Bu yerda ruhiy faktorlar ustunlik qildi, deb o‘ylamayman. Biz o‘zimizga nisbatan ancha kuchli jamoaga qarshi to‘p surdik. Bizda muammolar ham yetarlicha edi, Gaskan va Yepuryanning o‘rnini to‘ldirib bo‘lmaydi. Moldaviya termasi juda yomon o‘ynadi. Muammo shundaki, "Jiguli" "Ferrari"ni ortda qoldira olmaydi. Raqib bilan bizni shunday taqqoslash mumkin. Fransiya va Moldaviya terma jamoalari orasidagi farqni yo‘qqa chiqarishning iloji yo‘q. Men Chempionlar ligasida juda kuchli klublarga duch kelganman, ammo o‘shanda ham bunchalik farq bo‘lmagan. O‘ylashimcha, biz juda yomon futbol o‘ynayapmiz agar buni futbol deb atash mumkin bo‘lsa», — dedi Spiridon.
