“Ayntraxt” hujumchisi Luka Yovich “Bavariya” va “Barselona”ning nazriga tushdi.

Mundo Deportivo nashrining xabar berishicha, Myunxenliklar yaqin soatlar ichida 21 yoshli futbolchining klubiga taklif bilan chiqmoqchi.

Ma’lumotlarga qaraganda, Yovichning o‘zi “Barselona”ga o‘tishni istamoqda.

Kataloniya klubi sport direktori Erik Abidal serbiyalik futbolchini o‘yinini Yevro-2020 saralash bosqichida Portugaliya – Serbiya o‘rtasida bo‘lib o‘tadigan bahsda yana bir bor tomosha qilmoqchi. Yovich terma jamoadagi debyut golini Germaniya darvozasiga urdi.

“Ayntraxt” futbochlining boshlang‘ich narxini 60 mln yevro qilib belgilab qo‘ydi.

“Ayntraxt” klubi Yovichni “Benfika”dan 6 mln yevro evaziga sotib oladi. Portugaliyaliklar futbolchining keyingi transferidan 20 foizini oladi.

Ma’lumot o‘rnida, joriy mavsum Yovich 15 ta gol urdi va to‘purarlar poygasida faqatgina Robert Levandovskidan ortda qolmoqda.