Germaniya terma jamoasi yetakchisi Marko Roys Golandiya terma jamoasiga qarshi o‘yin oldidan fikr bildirdi.
“Gollandlar bizga qarshi personal ravishda himoyalanishga harakat qilishadi. Tezkor va qisqa pas o‘ynashimiz uchun ochiq zonalar topish juda muhim, oldinga harakatlanib hujumni zarba bilan yakunlashimiz kerak.
Ertaga biz himoyada yaxshi o‘ynashga harakat qilamiz. O‘ylaymanki, agar biz barchasini rejadagidek qilsak, g‘alabaga erishamiz.
Bu yoshimda barcha mas’uliyatni o‘z bo‘ynimga olib, jamoada lider bo‘lishim kerak. Lekin bunga vaqt kerak. Terma jamoaga ko‘p yosh futbolchilar kelgan, ular bilan chiqishib olishimiz zarur. Bizning maqsad - avvalgi o‘rnimizga qaytish”, -deydi Roys.
