O‘zbekistonlik 31 yoshli darvozabon Alisher Ahmedov Mongoliyaning “Anduud Siti” klubi futbolchisiga aylandi. Bu haqda darvozabon Worldnews.uz axborot agentligiga ma’lum qildi.

Ahmedovning ma’lum qilishicha, Mongoliya klubi bilan uzoq muddatli shartnoma imzolangan.

Ma’lumot o‘rnida, “Anduud Siti” klubi 2015 yil tashkil topgan bo‘lib, ushbu klub uy o‘yinlarini mamlakat poytaxti Ulan-Batorda o‘tkazadi. Klub 2018 yil Mongoliya premyer-ligasida 3-o‘rinni egallagan.

Eslatib o‘tamiz, Alisher Ahmedov shu kungacha bo‘lgan faoliyatini turli hil klublarda o‘tkazdi. Jumladan, Ahmedov 31 yoshga qadar “Sug‘diyona”, “Uz-Dong-Ju”, “Nasaf”, “Neftchi”, “Buxoro”, “Registon”, “Gefest” (Qozog‘iston), “Nyu-Radiant” (Maldiv), “Dila” (Gruziya), “Oloy” (Qirg‘iziston) klublarida o‘ynashga ulgurgan.