Ўзбекистонлик 31 ёшли дарвозабон Алишер Аҳмедов Монголиянинг “Андууд Сити” клуби футболчисига айланди. Бу ҳақда дарвозабон Worldnews.uz ахборот агентлигига маълум қилди.

Аҳмедовнинг маълум қилишича, Монголия клуби билан узоқ муддатли шартнома имзоланган.

Маълумот ўрнида, “Андууд Сити” клуби 2015 йил ташкил топган бўлиб, ушбу клуб уй ўйинларини мамлакат пойтахти Улан-Баторда ўтказади. Клуб 2018 йил Монголия премьер-лигасида 3-ўринни эгаллаган.

Эслатиб ўтамиз, Алишер Аҳмедов шу кунгача бўлган фаолиятини турли ҳил клубларда ўтказди. Жумладан, Аҳмедов 31 ёшга қадар “Суғдиёна”, “Уз-Донг-Жу”, “Насаф”, “Нефтчи”, “Бухоро”, “Регистон”, “Гефест” (Қозоғистон), “Нью-Радиант” (Мальдив), “Дила” (Грузия), “Олой” (Қирғизистон) клубларида ўйнашга улгурган.