Bilasiz, Shukurovni Xitoyga qarshi o‘yinda jarohatlashdi. Amirlik chempionatida “Sharja” chempionlik uchun kurash olib borayotgandi, Shukurovsiz qiyin bo‘ladi.

Chiroyli tarafi shundaki, o‘yinning ertasigayoq xitoylik futbolchi Shukurovni ko‘rgani keldi, unga sovg‘alar ulashdi, kechirim so‘radi. Keyinroq esa u to‘p suradigan “Guanjou Evergrand” klubi Shukurovga yetkazilgan jarohatni qoraladi va o‘z futbolchisini 1 oyga o‘yinlardan chetlashtirdi. Mana sizga to‘g‘ri futbolga bo‘lgan munosabat (aytishlaricha, Otabek qanchagacha o‘ynay olmasa, o‘sha futbolchi ham shunday o‘ynamasligi mumkin).

Bugun Shukurov aytyapti, hafaman, oyog‘im jarohatidan, klubimga yordam bera olmayotganimdan. Ammo bu futbol, O‘zi istaganida umuman futbol o‘ynay olmasligim ham mumkin edi, buni sinov deb qabul qildim, ehtiyot qilganiga shukr qildim. Futbolsiz qolish nima ekanini bilaman va raqibimda ham shunday bo‘lishini istamayman. Men uni kechirdim, endi esa klubi ham uni kechirishini istardim.

Aytishlaricha, bu Shukurovning fikrlari. Quyida esa Shukurov o‘z mikroblogida yozgani bor. Aybini tan olgan xitoylik futbolchiga ham, uning g‘irrom o‘ynaganini hazm qila olmagan Xitoy klubiga ham, raqibini kechira olgan va uning kelajagi uchun qayg‘urayotgan o‘zimizning futbolchiga ham ming rahmat!

Diyor Imomxo‘jayev