Gruziya poytaxtida start olgan dzyudo bo‘yicha Gran-pri musobaqasining birinchi kun dasturida medallar uchun kurashadigan sportchilar nomi ma’lum bo‘ldi. Quvonarlisi, -60 kg vazn toifasida bahs olib borayotgan vakilimiz Sharofiddin Lutfullayev musobaqaning bronza medali uchun kurash olib boradi.

Yurtdoshimiz chorak finalda fransiyalik Valide Xyarga imkoniyatni boy berib qo‘ygan edi. Ammo bronza medali uchun o‘tish bellashuvida rossiyalik Yago Abuladzedan ustun keldi. Endi vakilimiz shohsupaga ko‘tarilish uchun Luxumi Chxvimiyani (Gruziya) va Boldbatar Ganbat (Mo‘g‘uliston) o‘rtasidagi bahs mag‘lubi bilan kuch sinashadi.

Ta’kidlash joiz, yurtdoshimiz ushbu bellashuvda g‘alaba qozonsa, Tokio Olimpiadasi uchun 300 reyting ochkosini qo‘lga kiritishi mumkin. Bo‘lajak bellashuvda yurtdoshimizga omad tilaymiz.