“Navbahor” himoyachisi Obid Jo‘raboyev Superliga 2-turi doirasidagi “Lokomotiv” qarshi kechgan bahsda jarohat olgan. 

Uning qachon safga qaytishi va ayni damdagi qanday holatda ekanligi haqida futbolchining o‘zi ma’lumot berdi. 

“Lokomotiv”ga qarshi kechgan bahsda maydonga katta ishtiyoq va g‘ayrat bilan tushgandim. Afsuski, jarohat olganligim bois. 

15-daqiqadayoq alishtirildim. Jamoadoshlarimga muhim o‘yinda yordam berolmasligimni bilib, maydonni ko‘zda yosh bilan tark etdim.

“Temiryo‘lchilar” bilan bo‘lgan bahsda jamoamiz ajoyib o‘yin namoyish etgan bo‘lsa-da, alamli  tarzda mag‘lubiyatga uchradi.

Endi keyingi “Bunyodkor”ga qarshi kechadigan o‘yinda zafar quchishga harakat qilamiz.

Jarohatim borasida to‘xtaladigan bo‘lsam, Xudoga shukr, shifokorlarning fikricha, unchalik xavfli emas ekan. Ertadan yakka holda mashqlarni bajarsam, 3 apreldan umumiy mashg‘ulotlarga qo‘shilaman. Xudo xohlasa, 6 aprel kuni “Bunyodkor” bilan bo‘ladigan o‘yinda maydonga tushaman, degan umiddaman”, - dedi Obid Jo‘raboyev.