Ayni kunlarda Estoniyaning Tallin shahrida sport kurashlari bo‘yicha yoshlar o‘rtasida “TALLINN OPEN – 2019” xalqaro musobaqasi bo‘lib o‘tmoqda.
Shu paytga kelib, erkin kurash yo‘nalishida barcha g‘olib va sovrindorlar nomi aniqlab olindi. Mazkur turnirda 28 mamlakatdan 2000dan ortiq yosh kurashchilar qatnashmoqda.
Erkin kurash bo‘yicha terma jamoamiz vakillari yakunda 4 ta oltin, 1 ta kumush va 2 ta bronza medallarini jamg‘arishdi. Vakillarimizdan Abbos Qobilov, Asomiddin Hasanov, Hojixon Karimov, Asadbek Karimov o‘z vazn toifalarida barcha raqiblarini mag‘lub etishgan bo‘lsa, Namoz Abdurashidov kumush medal bilan taqdirlandi. Amirxon Karimov hamda Sohib Hasanboyev esa bronza medalini qo‘lga kiritishdi.
