Айни кунларда Эстониянинг Таллин шаҳрида спорт курашлари бўйича ёшлар ўртасида “TALLINN OPEN – 2019” халқаро мусобақаси бўлиб ўтмоқда.
Шу пайтга келиб, эркин кураш йўналишида барча ғолиб ва совриндорлар номи аниқлаб олинди. Мазкур турнирда 28 мамлакатдан 2000дан ортиқ ёш курашчилар қатнашмоқда.
Эркин кураш бўйича терма жамоамиз вакиллари якунда 4 та олтин, 1 та кумуш ва 2 та бронза медалларини жамғаришди. Вакилларимиздан Аббос Қобилов, Асомиддин Ҳасанов, Ҳожихон Каримов, Асадбек Каримов ўз вазн тоифаларида барча рақибларини мағлуб этишган бўлса, Намоз Абдурашидов кумуш медаль билан тақдирланди. Амирхон Каримов ҳамда Соҳиб Ҳасанбоев эса бронза медалини қўлга киритишди.
