Xabar berganimizdek, ertaga Turkiyaning Antalya shahrida dzyudo bo‘yicha Gran-pri seriyasiga kiruvchi nufuzli musobaqa start oladi.
Tokio olimpiadasiga qimmatli reyting ochkolarini taqdim qiladigan mazkur turnirda O‘zbekiston terma jamoasi vakillari ham ishtirok etishadi.
Bugun an’anaga muvofiq musobaqadan avval matbuot-anjumani va qur’a tashlash marosimi bo‘lib o‘tdi. Qur’a natijasiga ko‘ra dzyudochilarimizning dastlabki raqiblari bilan tanishing:
-60 kg: Doston Ro‘ziyev – Daniel ben Devid (Isroil)
-60 kg: Kemran Nurullayev – Kun-Lin Yex (Xitoy Taipeyi)
-66 kg: Shahram Ahadov – Yoqubjon Boqiyev (Tojikiston) / Matey Poliyak (Slovakiya)
-73 kg: G‘iyosjon Boboyev – Yan Naku (Moldova)
-90 kg: Shahzod Sobirov – Mikoil O‘zerler (Turkiya) / Gustavo Assis (Braziliya)
-100 kg: Aloviddin Jo‘raqulov – Elmar Gasimov (Ozarbayjon)
+100 kg: Alisher Yusupov – Rustam Kosoiyev (Ozarbayjon)
