Bilasiz, ushbu hafta so‘nggida Superligada 4-tur uchrashuvlari bo‘lib o‘tadi. 

Superliga nomi ostida o‘tadigan 2019 yilgi mavsumidan boshlab, har bir tur uchrashuvlarida jamoalarning qanday rangdagi libosda maydonga chiqishlari Professional futbol ligasi tomonidan belgilab berilmoqda.

Bunda mezbon jamoaning o‘z maydonida muxlislari qarshisida to‘p surishi inobatga olinib, birinchi galda mezbon klubning asosiy rangidagi libosda harakat qilishi ahamiyat kasb etadi. Shu boisdan har bir klub yangi mavsum uchun uy va safar liboslarini bir-biridan keskin farq qiladigan tarzda tanlashlariga urg‘u berildi.

Kelayotgan 4-tur uchrashuvlari doirasida “Metallurg” o‘z maydonida “Qizilqum”ga qarshi bahs yuritadi. Mazkur uchrashuvda bekobodliklar ko‘k-ko‘k-ko‘k libosda maydonga chiqishadi. Navoiyliklar esa oq futbolka, qizil shorti hamda oq getrilarda maydonda harakat qilishadi. 

Ta’kidlab o‘tamiz, “Metallurg” – “Qizilqum” o‘yini 12 aprel, juma kuni soat 18:15da bo‘lib o‘tadi.