Биласиз, ушбу ҳафта сўнггида Суперлигада 4-тур учрашувлари бўлиб ўтади.
Суперлига номи остида ўтадиган 2019 йилги мавсумидан бошлаб, ҳар бир тур учрашувларида жамоаларнинг қандай рангдаги либосда майдонга чиқишлари Профессионал футбол лигаси томонидан белгилаб берилмоқда.
Бунда мезбон жамоанинг ўз майдонида мухлислари қаршисида тўп суриши инобатга олиниб, биринчи галда мезбон клубнинг асосий рангидаги либосда ҳаракат қилиши аҳамият касб этади. Шу боисдан ҳар бир клуб янги мавсум учун уй ва сафар либосларини бир-биридан кескин фарқ қиладиган тарзда танлашларига урғу берилди.
Келаётган 4-тур учрашувлари доирасида “Металлург” ўз майдонида “Қизилқум”га қарши баҳс юритади. Мазкур учрашувда бекободликлар кўк-кўк-кўк либосда майдонга чиқишади. Навоийликлар эса оқ футболка, қизил шорти ҳамда оқ гетриларда майдонда ҳаракат қилишади.
Таъкидлаб ўтамиз, “Металлург” – “Қизилқум” ўйини 12 апрель, жума куни соат 18:15да бўлиб ўтади.
