«Yuventus» bosh murabbiyi Massimiliano Allegri Yevropa chempionlar ligasi chorak final bosqichida doirasida «Ayaks»ga qarshi bo‘lib o‘tgan o‘yin (1:1) borasida o‘z fikrlarini bildirib o‘tdi.

«Ronaldu boshqa darajada ekanini yana bir marta isbotladi. Uning harakatlari, golni his qilishi va pozisiya tanlash qobiliyati boshqalardan farq qiladi.

«Ayaks» ko‘p yaxshi sifatlarga ega jamoa. Maydonda bo‘sh hudud yo‘qligiga qaramay, ular to‘pni yaxshi nazorat qilishadi. Biz yaxshi himoyalandik. Lekin maydon markazida to‘p uchun kurashda yaxshiroq harakat qilishimiz kerak edi.

Ular gol urganidan keyin qiyin ahvolga tushib qoldik. Boisi, raqib tanaffusdan keyin darhol gol urgani uchun yengil shok holatiga tushib qoldik. Ammo biz o‘yinni yaxshi yakunladik.

De Yong juda yaxshi o‘ynadi. U jamoaning o‘yinini tashkil qiladi. Biz uni nazorat qilishga harakat qildik. Bentankur Frenkini ertaroq kutib olishga harakat qildi, lekin de Yong buni tushunib, orqaga qaytdi va hujumchilarimiz ham unga qarshi o‘ynashiga to‘g‘ri keldi», – dedi Allegri.