Poytaxtimizdagi Mudofaa vazirligiga qarashli sport majmuada pnevmatik qurollardan o‘q otish bo‘yicha O‘zbekiston chempionati start oldi.
Mazkur chempionat yoshlar o‘rtasida o‘tkazilib, 25 aprelgacha davom etishi belgilangan. Unda g‘olib bo‘lgan merganlar Oliy o‘quv-yurtiga imtiyozli yo‘llanmani qo‘lga kiritishi bilan ahamiyatli.
Musobaqaning tantanali ochilish marosimida Milliy olimpiya qo‘mitasi nomidan MOQ prezidenti masalahatchisi Nazirjon Xudoyqulov so‘zga chiqib, bo‘lajak musobaqada ishtirokchilarga omad tiladi.
Bugun musobaqa doirasida yigitlar va qizlar o‘rtasida 10 metr masofadan miltiqdan o‘q otish bo‘yicha bahslar o‘tkaziladi. E’tiboringizga musobaqa jarayonidan bir nechta suratlarni havola qilamiz.
