Coca Cola Superliganing 5-turidan o‘rin olgan «AGMK» - «Bunyodkor» uchrashuvidan keyin o‘tkazilgan matbuot anjumaning ikkinchi qismida mezbonlar bosh murabbiyi Mirjalol Qosimov ishtirok etdi.

- Kutilganidek chiroyli, shiddatli va jangovor o‘yin bo‘lib o‘tdi. «Bunyodkor»ni to‘p bilan qanday muomala qilishini juda yaxshi bilamiz. Biz brinchi bo‘limda kerakli joylarda to‘pni yo‘qotaverdik, xatolar, qolaversa yomg‘ir... Oddiy vaziyatda gol o‘tkazdik. To‘rayevdan bunday xatoni kutmagandim. Futbolda har xil vaziyatlar bo‘ladi. To‘rayev To‘rayevga chiroyli gol urdi. Albatta «Bunyodkor» jamoasi ham yaxshi harakat qildi, ularni g‘alaba bilan tabriklayman.

Legionerlar jamoaga qo‘shilib keta olishmayapti. Umuman olganda qolgan futbolchilar ham bir jamoaga aylana olishmayapti. Buning ustida ishlayapmiz. Qachon bir jamoa bo‘lib ketilsa, shunda jamoa bo‘ladi. Jamoamizga bitta yetakchi yetishmayapti. Yil boshida kerakli futbolchilarni ololmadik. Dilshodni ham himoyada o‘ynatishga majbur bo‘layapman.