“Milan” “Barselona”ning braziliyalik hujumchisi Malkom uchun kurshga qo‘shildi. Bu haqida Calciomercato xabar tarqatdi.
Manbaning xabariga ko‘ra, Italiya klubi yozgi transfer oynasida Malkomni olib kelmoqchi. “Milan” rahbariyati futbolchining agenti bilan muzokara o‘tkazgan. Futbolchining transfer narxi taxminan 50 million yevroga baholanmoqda.
Avvalroq, futbolchining xizmatlariga “Arsenal”, “Liverpul”, “Tottenxem” va “Inter” klublari qiziqayotgan edi.
Eslatib o‘tamiz, joriy mavsum 22 yoshli Malkom “Barselona” safida 19ta o‘yinda 4ta gol urgan va 2ta golga assistentlik qilgan.
