“Милан” “Барселона”нинг бразилиялик ҳужумчиси Малком учун куршга қўшилди. Бу ҳақида Calciomercato хабар тарқатди.

Манбанинг хабарига кўра, Италия клуби ёзги трансфер ойнасида Малкомни олиб келмоқчи. “Милан” раҳбарияти футболчининг агенти билан музокара ўтказган.  Футболчининг трансфер нархи тахминан 50 миллион еврога баҳоланмоқда.

Аввалроқ, футболчининг хизматларига “Арсенал”, “Ливерпуль”, “Тоттенхэм” ва “Интер” клублари қизиқаётган эди.

Эслатиб ўтамиз, жорий мавсум 22 ёшли Малком “Барселона” сафида 19та ўйинда 4та гол урган ва 2та голга ассистентлик қилган.