Tailand poytaxti Bangkok shahrida havaskor boks bo‘yicha Osiyo chempionati yarim final uchrashuvlari boshlandi. Kunning ikkinchi qismida o‘zbekistonlik yana bir bokschi Bobo Usmon Baturov ringga ko‘tarildi.
-69 kg vaznda ringga chiqqan Bobo Usmonga yarim finalda hindistonlik Ashishga qarshi ringga chiqdi. Bellashuv davomida ustunlikka ega bo‘lgan o‘zbekistonlik bokschi yakunda hakamlarning bir ovozdan bergan qarorlariga ko‘ra, ochkolar bo‘yicha g‘alaba qozonib, finalga yo‘llanma oldi.
Bungacha Nodirjon Mirzaahmedov, Mirazizbek Mirzahalilov va Sanjar Tursunov yarim final janglarida g‘alaba qozonib, finalga yo‘llanma olgandi. Shahnoza Yunusova va Shukurjon Rahimov esa O‘zbekiston terma jamoasiga bronza medalni taqdim etgandi.
Bugun yana 3 nafar o‘zbekistonlik bokschi ringga chiqadi.
+91 kg: Bahodir Jalolov – Muhammad Mulayes (Suriya)
-57 kg: Yodgoroy Mirzayeva – YU-Ting Lin (Xitoy Taypeyi)
-64 kg: Maftuna Meliyeva – Kaur Baat (Hindiston)
