“Nasaf” – AGMK uchrashuvidan so‘ng mezbonlar ustozi Ro‘ziqul Berdiyev quyidagicha fikr bildirib o‘tdi:
- Bugun haqli ravishda g‘alaba qozondik, deb o‘ylayman. Har jabhada AGMKdan yaxshiroq va tezroq harakat qildik. Bugungi bahsga yigitlarni asosan ruhiy jihatdan puxta tayyorlashga harakat qilgan edik. Menimcha, buni uddalay oldik. Bugun yigitlarimiz ancha xotirjam holda maydonda harakat qilishdi. O‘yin taqdiri 2-goldan keyinoq hal bo‘lib ulgurdi. AGMK jamoasidagi shijoat aynan shu ikkinchi goldan so‘ng so‘ndi, - dedi mutaxassis.