UYEFA Chempionlar ligasi yarim final o‘yinlari dastlabki uchrashuvlarini boshqarib boradigan hakamlar ro‘yxatini ma’lum qildi.

Demak, "Tottenxem" — "Ayaks" uchrashuviga Antonio Mateo Laos boshchiligidagi ispaniyalik hakamlar brigadasi tayinlandi. Unga Pao Sebrian Devis va Roberto del Palomar yordam beradi. To‘rtinchi hakam — Alberto Undiano Malyenko. Videotakrorlar tizimida esa Alexandro Ernandes va uning yordamchisi Xuan Martines Laosga yordam berishadi.

"Barselona" — "Liverpul" o‘yinini boshqarish uchun gollandiyalik hakam Byorn Kuypersga tayinlandi. Unga Mario Diks va Ervin Zeynstr (hammasi gollandiyalik) yordam berishadi. To‘rtinchi hakam gresiyalik Tasos Sidiropulos. Videoyordamchi — Danni Makkeli, uning assistenti esa — Pol van Bukel.