УЕФА Чемпионлар лигаси ярим финал ўйинлари дастлабки учрашувларини бошқариб борадиган ҳакамлар рўйхатини маълум қилди.
Демак, "Тоттенхэм" — "Аякс" учрашувига Антонио Матео Лаос бошчилигидаги испаниялик ҳакамлар бригадаси тайинланди. Унга Пао Себриан Девис ва Роберто дель Паломар ёрдам беради. Тўртинчи ҳакам — Альберто Ундиано Мальенко. Видеотакрорлар тизимида эса Алехандро Эрнандес ва унинг ёрдамчиси Хуан Мартинес Лаосга ёрдам беришади.
"Барселона" — "Ливерпуль" ўйинини эса голландиялик ҳакам Бьорн Куйперс бошқарадиган бўлди. Унга Марио Дикс ва Эрвин Зейнстр (ҳаммаси голландиялик) ёрдам беришади. Тўртинчи ҳакам грециялик Тасос Сидиропулос. Видеоёрдамчи — Данни Маккели, унинг ассистенти эса — Пол ван Букел.
