Joriy yilning may oyi respublikamizda “Sport oyligi” deb e’lon qilingani va kecha barcha hududlarda shu munosabat bilan tantanali tabdirlar tashkil etilgani haqida xabar bergan edik.
Xususan, Buxoro viloyatida ham “Sport oyligi” boshlanishiga bag‘ishlangan ommaviy tadbir o‘tkazildi.
1 may kuni Buxoro shahridagi “Favvoralar maydoni”da uyushtirilgan ochilish marosimida sport ta’lim muassasalarining kurash, boks, stol tennisi, badiiy gimnastika, armrestling, taekvon-do ITF,shotokan karate-do, shaxmat va shashka bo‘limlari shug‘ullanuvchilari tomonidan ko‘rgazmali chiqishlar namoyish etildi hamda aholining sportga bo‘lgan qiziqishini yanada oshirish maqsadida havaskorlar o‘rtasida shaxmat va shashka, stol tennisi musobaqalari tashkil etildi.
Ko‘tarinki ruhda va yuqori saviyada o‘tgan tadbirda 1000 dan ortiq sportchi ishtirok etdi.
