Жорий йилнинг май ойи республикамизда “Спорт ойлиги” деб эълон қилингани ва кеча барча ҳудудларда шу муносабат билан тантанали табдирлар ташкил этилгани ҳақида хабар берган эдик.
Хусусан, Бухоро вилоятида ҳам “Спорт ойлиги” бошланишига бағишланган оммавий тадбир ўтказилди.
1 май куни Бухоро шаҳридаги “Фавворалар майдони”да уюштирилган очилиш маросимида спорт таълим муассасаларининг кураш, бокс, стол тенниси, бадиий гимнастика, армрестлинг, таэквон-до ИТФ,шотокан каратэ-до, шахмат ва шашка бўлимлари шуғулланувчилари томонидан кўргазмали чиқишлар намойиш этилди ҳамда аҳолининг спортга бўлган қизиқишини янада ошириш мақсадида ҳаваскорлар ўртасида шахмат ва шашка, стол тенниси мусобақалари ташкил этилди.
Кўтаринки руҳда ва юқори савияда ўтган тадбирда 1000 дан ортиқ спортчи иштирок этди.
