Prezidentimiz tomonidan ilgari surilgan 5 ta muhim tashabbusdan biri bo‘lgan yoshlarni jismoniy chiniqtirish, ularning sport sohasida qobiliyatini namoyon qilishi uchun zarur sharoit yaratishga yo‘naltirilgan ikkinchi tashabbus doirasida respublikamizning barcha hududlarida qator ommaviy sport tadbirlari, qiziqarli bellashuvlar, sport ustalari bilan uchrashuvlar o‘tkazilmoqda.

2019 yilning may oyini “Sport oyligi” deb e’lon qilinganligi ham mazkur yo‘nalishdagi ishlarning yanada jadallashishiga, aholining, ayniqsa yoshlarning jismoniy tarbiya va sportga bo‘lgan qiziqishini oshirishishi xizmat qiladi. 

Bugun, 1 may kuni respublikamizning barcha hududlarida “Sport oyligi” boshlanishi munosabati tantanali tadbirlar o‘tkazildi.

Jumladan, Samarqand shahridagi “Dinamo” markaziy stadionida “Sport oyligi”ga tantanali tarzda start berildi.

Ushbu ommaviy sport bayramida 5000 nafarga yaqin yoshlar ishtirok etib, viloyatning taniqli san’atkorlari ishtirokida madaniy dastur, 15 ta sport turi bo‘yicha 500 nafar yoshlar va harbiylar tomonidan ko‘rgazmali chiqishlar namoyish etildi.