O‘zbekiston Jismoniy tarbiya va sport vazirligi, mamlakatimiz hamda xalqaro tennis federasiyalari tomonidan tashkil etilgan turnirda ilk bosqich yakunlandi.   Erkaklar o‘rtasida o‘tayotgan ”Fyuchers” musobaqasining yakkalik bahslariga tashlangan qur’a natijasiga ko‘ra, bir qator tennischilarimiz ilk bosqichda o‘zaro raqobatlashdi.   Yosh tennischimiz Sergey Fomin tajribali sportchimiz Sanjar Fayziyevni mag‘lubiyatga uchratgan bo‘lsa, Humoyun Sultonov Sharofiddin Abzalovni yengdi. Endi Sergey ikkinchi davrada qozog‘istonlik Timofey Skatov bilan o‘zaro kuch sinashadi. Humoyunga esa rossiyalik Matvey Minin qarshilik ko‘rsatadi.   Juftlik bahslarida S.Fomin sherigi S.Saidkarimov bilan birga chorak finalda S.Fayziyev va H.Sultonov tandemiga qarshi kortga chiqadigan bo‘ldi.