Ўзбекистон Жисмоний тарбия ва спорт вазирлиги, мамлакатимиз ҳамда халқаро теннис федерациялари томонидан ташкил этилган турнирда илк босқич якунланди.   Эркаклар ўртасида ўтаётган ”Фьючерс” мусобақасининг яккалик баҳсларига ташланган қуръа натижасига кўра, бир қатор теннисчиларимиз илк босқичда ўзаро рақобатлашди.   Ёш теннисчимиз Сергей Фомин тажрибали спортчимиз Санжар Файзиевни мағлубиятга учратган бўлса, Ҳумоюн Султонов Шарофиддин Абзаловни енгди. Энди Сергей иккинчи даврада қозоғистонлик Тимофей Скатов билан ўзаро куч синашади. Ҳумоюнга эса россиялик Матвей Минин қаршилик кўрсатади.   Жуфтлик баҳсларида С.Фомин шериги С.Саидкаримов билан бирга чорак финалда С.Файзиев ва Ҳ.Султонов тандемига қарши кортга чиқадиган бўлди.