“Buxoro” – “Nasaf” uchrashuvidan so‘ng mezbonlar ustozi Baxtiyor Ashurmatov o‘z fikrlari bilan o‘rtoqlashdi.

"Bugungi o‘yin ancha qiyin o‘tdi. “Nasaf” ancha yaxshi shakllangan jamoa ekanini yana bir bor isbotladi. Biz qayd etilgan mag‘lubiyat uchun muxlislar oldida aybdormiz. Lekin ishqibozlar bilishlarini xohlardimki, biz o‘yinga chin dildan bor kuchimizni ishga solgan holda tayyorlagan edik. Lekin bugun ko‘plab vaziyatlarda omad yetishmadi, o‘yinimiz qovushmadi. To‘g‘ri, hozirgi vaqtda musobaqa jadvalidagi o‘rnimizdan muxlislarimiz hafa. Lekin biz butun jamoa bo‘lib, kelayotgan turlarda ushbu vaziyatni o‘nglashga harakat qilamiz", - dedi mutaxassis.