“Бухоро” – “Насаф” учрашувидан сўнг мезбонлар устози Бахтиёр Ашурматов ўз фикрлари билан ўртоқлашди.

"Бугунги ўйин анча қийин ўтди. “Насаф” анча яхши шаклланган жамоа эканини яна бир бор исботлади. Биз қайд этилган мағлубият учун мухлислар олдида айбдормиз. Лекин ишқибозлар билишларини хоҳлардимки, биз ўйинга чин дилдан бор кучимизни ишга солган ҳолда тайёрлаган эдик. Лекин бугун кўплаб вазиятларда омад етишмади, ўйинимиз қовушмади. Тўғри, ҳозирги вақтда мусобақа жадвалидаги ўрнимиздан мухлисларимиз ҳафа. Лекин биз бутун жамоа бўлиб, келаётган турларда ушбу вазиятни ўнглашга ҳаракат қиламиз", - деди мутахассис.