Angliya chempionatining 37-turi doirasida «Arsenal» klubi o‘z maydonida «Brayton»ni qabul qildi. "Kanonirlar" Yevropa chempionlar ligasi yo‘llanmasini qo‘lga kiritish uchun bugun g‘alaba qozonishlari shart edi. Ammo APLda qolishi aniq bo‘lib ulgurgan "Brayton"dan raqibdan ochko tortib oldi.

Uchrashuvning 9-daqiqasida mehmonlar darvozasiga penalti belgilandi va uni Pyer-Emerik Obameyang aniq amalga oshirdi.

Unai Emeri shogirdlari o‘z vaqtida hisobdagi farqni oshirishmadi. Buning uchun ular ikkinchi bo‘limda jazolanishdi. "Arsenal" darvozasiga belgilangan penalti Myurrey aniq amalga oshirib, hisobni tenglashtirdi.

Qolgan daqiqalarda "Brayton" futbolchilari nafaqat ishonchli himoyalanishdi, balki xavfli qarshi hujumlar ham tashkil etishdi. Mazkur durang natijasida "Chelsi" YECHL yo‘llanmasini qo‘lga kiritdi.

"Arsenal" APL jadvalida 4-o‘rinni egallash uchun so‘nggi turda "Byornli"ni mag‘lub etishi va "Tottenxem" o‘z uyida "Everton"ga yutqazishi kerak. Shunda jamoalarning ochkolari teng bo‘ladi. Shunda ham "shporlar"ning to‘plar farqi raqibnikiga nisbatan 8ta golga ko‘proq.

"Arsenal" YECHL yo‘llanmasini qo‘lga kiritish uchun yana bir imkoniyatga ega: Yevropa ligasida g‘olib chiqish orqali.

Angliya chempionati, 37-tur
Arsenal – Brayton 1:1 (1:0, 0:1)
Gollar: 1:0 – 9, penalti Obameyang, 1:1 – 61, penalti Myurrey.
Arsenal – Leno, Monreal, Lixtshtayner (Kolashinas, 77), Mustafi, Papastatopulos, Torreyra, Mxitaryan (Genduzi, 77), Ozil, Djaka (Ivobi, 77), Lyakazett, Obameyang.
Brayton – Rayan, Dank, Bernardo, Saltor, Daffi, Gross (Kayyal, 90), Stivens, March, Bissuma, Jahonbaxsh (Knokert, 46), Myurrey (Andone, 78).
Ogohlantirishlar: Papastatopulos (14), Gross (45), Djaka (60), Dank (63), Lixtshtayner (64), Genduzi (83), Mustafi (84).