Англия чемпионатининг 37-тури доирасида «Арсенал» клуби ўз майдонида «Брайтон»ни қабул қилди. "Канонирлар" Европа чемпионлар лигаси йўлланмасини қўлга киритиш учун бугун ғалаба қозонишлари шарт эди. Аммо АПЛда қолиши аниқ бўлиб улгурган "Брайтон"дан рақибдан очко тортиб олди.

Учрашувнинг 9-дақиқасида меҳмонлар дарвозасига пенальти белгиланди ва уни Пьер-Эмерик Обамеянг аниқ амалга оширди.

Унаи Эмери шогирдлари ўз вақтида ҳисобдаги фарқни оширишмади. Бунинг учун улар иккинчи бўлимда жазоланишди. "Арсенал" дарвозасига белгиланган пенальти Мюррей аниқ амалга ошириб, ҳисобни тенглаштирди.

Қолган дақиқаларда "Брайтон" футболчилари нафақат ишончли ҳимояланишди, балки хавфли қарши ҳужумлар ҳам ташкил этишди. Мазкур дуранг натижасида "Челси" ЕЧЛ йўлланмасини қўлга киритди.

"Арсенал" АПЛ жадвалида 4-ўринни эгаллаш учун сўнгги турда "Бёрнли"ни мағлуб этиши ва "Тоттенхэм" ўз уйида "Эвертон"га ютқазиши керак. Шунда жамоаларнинг очколари тенг бўлади. Шунда ҳам "шпорлар"нинг тўплар фарқи рақибникига нисбатан 8та голга кўпроқ.

"Арсенал" ЕЧЛ йўлланмасини қўлга киритиш учун яна бир имкониятга эга: Европа лигасида ғолиб чиқиш орқали.

Англия чемпионати, 37-тур
Арсенал – Брайтон 1:1 (1:0, 0:1)
Голлар: 1:0 – 9, пенальти Обамеянг, 1:1 – 61, пенальти Мюррей.
Арсенал – Лено, Монреаль, Лихтштайнер (Колашинац, 77), Мустафи, Папастатопулос, Торрейра, Мхитарян (Гендузи, 77), Озил, Джака (Ивоби, 77), Ляказетт, Обамеянг.
Брайтон – Райан, Данк, Бернардо, Сальтор, Даффи, Гросс (Кайяль, 90), Стивенс, Марч, Биссума, Жаҳонбахш (Кнокерт, 46), Мюррей (Андоне, 78).
Огоҳлантиришлар: Папастатопулос (14), Гросс (45), Джака (60), Данк (63), Лихтштайнер (64), Гендузи (83), Мустафи (84).