APL so‘nggi turida «Vulverxempton»ga qarshi o‘yinda "Liverpul"ning bir nechta futbolchisi jamoaga yordam bera olmasligi mumkin.
Ayni damda Roberto Firminoning maydonga tushmasligi aniq bo‘lgan. Muhammad Salohning o‘ynashi esa so‘roq ostida (u miya chayqalishi tufayli "Barselona"ga qarshi matchni o‘tkazib yuborgandi). Shuningdek, Jordan Xenderson va Endi Robertsonning ishtiroki ham so‘roq ostida turibdi — ular "Barselona"ga qarshi matchda jarohat olishgan.
Shunday bo‘lsa-da, Yurgen Klopp pozitiv kayfiyatni saqlab qolish va "Vulverxempton"ga qarshi o‘yinga ijobiy kayfiyat bilan tayyorlanish tarafdori.
«Hammasi yakshanbagacha tartibga solinadi. Bu hafta kiyim almashtirish xonasida quyidagi jumlalar juda mashhur bo‘ldi: "Bu shunchaki og‘riq". Xendo shunday deydi, Robbo esa "Ammo bu haqiqiy og‘riq", deya javob qaytaradi», — dedi Klopp.
