АПЛ сўнгги турида «Вулверхэмптон»га қарши ўйинда "Ливерпул"нинг бир нечта футболчиси жамоага ёрдам бера олмаслиги мумкин.

Айни дамда Роберто Фирминонинг майдонга тушмаслиги аниқ бўлган. Муҳаммад Салоҳнинг ўйнаши эса сўроқ остида (у мия чайқалиши туфайли "Барселона"га қарши матчни ўтказиб юборганди). Шунингдек, Жордан Хендерсон ва Энди Робертсоннинг иштироки ҳам сўроқ остида турибди — улар "Барселона"га қарши матчда жароҳат олишган.

Шундай бўлса-да, Юрген Клопп позитив кайфиятни сақлаб қолиш ва "Вулверхемптон"га қарши ўйинга ижобий кайфият билан тайёрланиш тарафдори.

«Ҳаммаси якшанбагача тартибга солинади. Бу ҳафта кийим алмаштириш хонасида қуйидаги жумлалар жуда машҳур бўлди: "Бу шунчаки оғриқ". Хендо шундай дейди, Роббо эса "Аммо бу ҳақиқий оғриқ", дея жавоб қайтаради», — деди Клопп.