Klublarning qudratini ular qo‘lga kiritgan kuboklar orqali bilib olishingiz mumkin. Futbolchilar haqida ham shunday desak, adashamgan bo‘lami. Bugun e’tiboringizga eng ko‘p sovrin yutishga muvaffaq bo‘lgan 5 ta futbolchi haqida ma’lumot berib o‘tamiz.
Pike
Uning bobosi «Barselona» klubining prezidenti bo‘lgan bo‘lsada, qahramonimiz o‘zining ilk sovrinini «Manchester Yunayted» safida qo‘lga kiritgani qiziq holat. U deyarli barcha klublar miqiyosidagi xalqaro turnirlarda g‘olib chiqdi va o‘z nomini tarixga muxrlab qo‘ydi. Pike o‘z kariyerasi davomida 33 ta sovringa ega chiqishni uddasidan chiqqan kam sonli himoyachilardan biri desak, adashmagan bo‘lamiz.
Leo Messi va Rayan Giggz
Bu ikki futbolchi haqida ortiqcha to‘xtalishning xojati bo‘lmasa kerak. Giggz APLda 3 bor chempionlikni qo‘lga kiritgan bo‘lsa, Leo 5 bor «Oltin to‘p» sovrinida g‘olib chiqqan. Ikkala buyuk futbolchining hisobida 34 tadan kubok mavjud. Farqi shundaki, Leo bu ko‘rsatgichni yaxshilab olishi mumkin. U va uning jamoadoshlari kelasi mavsumni sabrsizlik bilan kutishmoqda. Giggz butun umr «Manchester Yunayted» sharafini himoya qildi va klubning ajralmas bo‘lagiga aylandi.
Aleksandr Shovkovskiy
Ukrainalik darvozabon haqli tarzda bu topdan joy olmoqda. U «Dinamo Kiyev» safida Oleg Bloxindan ham ko‘proq uchrashuv o‘tkazgan yagona futbolchi. Uning eng gullagan davrlari 2006-yildagi JCH ga to‘gri keldi desak, adashmagan bo‘lamiz. O‘sha mundialda Ukraina chorak finalga chiqish uchun Shvetsariya ga qarshi bahs olib borgan va o‘yindan so‘ng penaltilar seriyasida «Shava» 3 ta penaltini bartaraf etib, Ukraina futbolida yangi sahifa ochgan edi. U 23 yillik kariyerasi davomida 35 ta sovringa ega chiqdi va «Dinamo Kiyev» muxlislarining hurmatiga sazovor bo‘ldi.
Maksvell (Maxwell)
Bir qarashda ishonish qiyin, biroq Braziliyalik futbolchi o‘z kariyerasi davomida 38 ta turnirda g‘olib chiqishni uddalagan ekan. U «Ayaks», «Inter», «Barselona», «PSJ» singari super klublarda to‘p surgan bo‘lsada, 17 yil davom etgan kariyerasi davomida ko‘plab sovrinlarga ega chiqishga ulgurdi. Max o‘zi to‘p surgan hamma chempionatlarda g‘olib bo‘lishni uddasidan chiqqan. U o‘z vaqtida «Barselona» safida YCHLda ham g‘olib bo‘ldi va o‘z nomini tarixga abadiyga yozib qo‘ydi.
Dani Alvez
Yana bir Braziliyalik hujumkor himoyachi hozirda yer yuzidagi eng ko‘p sovrin yutgan futbolchi bo‘lib turganiga ishonish qiyin. U avvaliga o‘z yurtida ilk sovrinini qo‘lga kiritadi va «Seviliya» safiga o‘tadi. Andalusiya klubi tarkibda 5 ta kubokka ega chiqadi va «Barselona» uni harid qiladi. Dani Alvezning eng kuchga to‘lgan davrlari «Barselona»ning to‘xtatib bo‘lmas darajadagi kuchga ega davrlariga to‘g‘ri kelib qolgani uning omadlilardan ekanligiga dalolat. O‘sha davrlarda «Barsa» mag‘lubiyat nimaligini bilamas, Alvez esa chap qanotning qiroliga aylangan edi. U Katoloniya klubi bilan 23 ta kubokni qo‘lga kiritadi va «Yuventus»ga o‘tib ketadi. Italiyadagi oltin dubldan so‘ng «PSJ»ga yo‘l olgan qahramonimiz 6 ta turnirda g‘olib chiqdi va sovrinlari sonini 39 taga yetkazib oldi. Bu hozircha mutloq rekord sanaladi.
